Бірыңғай облыстық ата-аналар жиналысы

14 ақпанда сағат 18:30 Қазтұтынуодағының Жоғары колледжінде 1-3 курс студенттерінің ата-аналарына арналған суицидтік мінез-құлықтың, буллинг пен тұрмыстық зорлық-зомбылықтың алдын алуға арналған Бірыңғай облыстық ата-аналар жиналысы өтті.

Жиналысты педагог-психолог С.Т. Абдрахманова өткізді, ол жасөспірімдердің дағдарыстық жағдайларының себептері, оларды анықтау және қолдау көрсету әдістері туралы айтып берді. Сондай-ақ отбасындағы сенімді қарым-қатынасты нығайту және стресстік жағдайлардың алдын алу бойынша ұсынымдар берді. Жиналыс соңында ата-аналар өздерін толғандырған сұрақтарға жауап алды.