Жұмысшы мамандықтар жылы

Жұмысшы мамандықтарының беделін арттыру мақсатында 2025 жыл Қазақстанда Жұмысшы мамандықтар жылы деп жарияланды. 2025 жылғы 28 наурызда білім беру процесі шеңберінде «Allur» («СарыарқаАвтоПром» ЖШС) автомобиль зауытының Корпоративтік университетінің практикалық қызметкерлерін тартумен кездесу өткізілді. 

Кездесудің тақырыбы «Заманауи жағдайдағы логистика: жаңа мүмкіндіктер».                   Іс-шараға 04130200 Логистика (салалар бойынша ) мамандығы бойынша Л-9 және Л-10 топтарының студенттері қатысты. Кездесуді «Менеджмент, маркетинг, логистика» кафедрасының жетекшісі Громова Елена Васильевна және арнайы пәндер оқытушысы Бардюжа Любовь Павловна ұйымдастырды.

Кездесу барысында логистика бойынша маман Отарбаев Амир және Allur автомобиль зауытының инженерлік мектебінің бас маманы Елибаева Бакыттыжулдыз студенттерге жалпы кәсіпорынның қызметі туралы айтып, кәсіпорынның негізгі қағидалары мен әдістерін түсіндіріп, зауыттың қандай маркалы автокөліктер шығаратынын айтты.

Отарбаев Амир 5 жыл бойы логистика маманы болып табылады, ол студенттерге сыртқы логистика, ішкі логистика сияқты түрлі салалардағы логистика маманы жұмысының мәнін түсіндірді. Ол логист жұмыстың әртүрлі кезеңдерінде қандай функцияларды орындайтынын түсіндірді.

Өнімді түрлі көлік түрлерімен: автомобиль, авиация көлігімен, сондай-ақ темір жол көлігімен жеткізу мәселелері қозғалды.

 «Allur» автомобиль зауытының мамандары өз кәсіпорындары мысалында логистика саласындағы, оның ішінде көлік және қойма логистикасы саласындағы ықтимал жаңалықтарды атады.

Отарбаев Амир мен Елибаева Бакыттыжулдыздың өздерін өте сауатты мамандар ретінде танытқанын атап өткім келеді. Барлық сұрақтарға нақты және сауатты жауап берілді, бұл студенттерді оқу процесі аясында теориялық білім алуға жігерлендірді, сондай-ақ тәжірибеден өту үшін де, одан әрі жұмысқа орналасу үшін де кәсіпорынға үлкен қызығушылық туғызды.

 «Allur» автомобиль зауытының басшылығына осы кездесуді өткізу үшін алғысымыз шексіз.