«Дәстүрді сақтай отырып, алға ұмтылу»

Колледж оқытушысының халықаралық қатысумен өткен Бүкілресейлік ғылыми-практикалық конференцияға қатысуы

«Қазіргі білім беру кеңістігіндегі кросс-мәдени коммуникация»

«Қостанай жоғары Казпотребсоюз колледжі» мекемесі үшін мерейтойлық жылы мұндай жетістіктер ерекше құнды. Себебі дәл осындай бастамашыл әрі өз ісіне адал педагогтердің арқасында колледж қарқынды дамып келеді.

Аталған конференцияға қатысу 2024 жылдан бері игі дәстүрге айналып, колледждің білім беру ұйымдарымен халықаралық ынтымақтастығы аясында жүзеге асырылып келе жатқанын ерекше атап өткен жөн. Мұндай өзара іс-қимыл педагогтердің кәсіби өсуіне жаңа мүмкіндіктер ашып, серіктестік байланыстарды нығайтуға ықпал етеді.

Осы орайда, орыс тілі мен әдебиеті пәнінің оқытушысы Досмағанбетова Жаннат Тұрғыновна халықаралық деңгейде оқу ордамыздың атынан шығып, Уфа қаласында онлайн форматта өткен халықаралық қатысумен Бүкілресейлік ғылыми-практикалық конференцияға қатысып, өзінің жоғары кәсібилігі мен даму жолындағы ұмтылысын көрсетті.

Аталған іс-шара әртүрлі елдердің мамандарын біріктіріп, тәжірибе алмасуға, білім беру саласындағы өзекті мәселелерді талқылауға және заманауи педагогикалық технологияларды енгізуге арналған бірегей алаң ұсынды.

Оқытушымыз «Нейрожелі — заманауи педагогтың көмекшісі» тақырыбында баяндама жасап, онда оқытудың заманауи тәсілдері, студенттермен жұмыс істеудегі тәжірибесі және колледждің білім беру үдерісінде қолданылатын инновациялық әдістер көрініс тапты. Баяндама конференция қатысушыларының қызығушылығын тудырып, әріптестер тарапынан оң бағасын алды.

Осындай іс-шараларға қатысу педагогтердің кәсіби дамуына ықпал етіп қана қоймай, колледждің заманауи, инновацияға ашық және халықаралық ынтымақтастыққа бағытталған білім беру ұйымы ретіндегі имиджін нығайтады.

Колледждің әдістемелік кабинеті оқытушыға белсенді кәсіби ұстанымы, оқу орнын халықаралық деңгейде лайықты таныстырғаны және білім беру үдерісінің дамуына қосқан үлесі үшін шынайы алғыс білдіреді. Алдағы уақытта да толағай табыстар, жаңа жетістіктер мен кәсіби жеңістер тілейміз!