«Болашақ осы жерден басталады: студенттердің әскери бөлімге сапары»

05 мамыр күні, Отан қорғаушылар күні қарсаңында № 6697 әскери бөлімінде «Ашық есік күні» өтті. Аталған шараға колледжіміздің студенттері қатысты.

Әскери бөлімнің қызметкерлері қонақтар үшін мазмұнды әрі танымдық экскурсия ұйымдастырды. Болашақ сарбаздарға бөлім аумағы таныстырылып, казарма ғимараттары мен әскери техника үлгілері көрсетілді. Сонымен қатар кинологиялық қызметтің жұмысы туралы айтылып, қару-жарақ түрлері таныстырылды.

Кездесу соңында студенттер сарбаздар асханасына шақырылып, әскери қызметкерлердің тамақтану жағдайымен танысты. Ұсынылған ас қатысушыларға ерекше ұнап, жалпы іс-шарадан жақсы әсер алды.

Әскери бөлім басшылығына және Қазақстан Халық партиясына бөлімге барып, әскери қызметпен жақынырақ танысуға мүмкіндік жасағаны үшін шынайы алғысымызды білдіреміз.