«Теория мен тәжірибе: адвокатпенбинарлықсабақтағыкәсібисұхбат»

Бүгін 2026 ж. 26.02 күні колледжде арнайы пәндер оқытушысы Успанова З.Н.-ның ұйымдастыруымен Құқықтану мамандығының 2-курс студенттеріне арналған бинарлық сабақ өтті. Сабақ ерекше форматта ұйымдастырылып, тәжірибелі адвокат Найманов Азамат Байгутович шақырылды. Бұл теориялық білім мен нақты заң тәжірибесін ұштастыруға мүмкіндік берді.

Кездесу барысында Азамат Байгутович қылмыстық құқық баптарының тәжірибеде қолданылуы туралы кеңінен баяндап, оларды саралау ерекшеліктеріне тоқталды. Сонымен қатар, өзінің кәсіби тәжірибесіндегі қызықты істермен бөлісіп, қорғау стратегиясын құру жолдарын және адвокат жұмысының маңызды қырларын түсіндірді.

Студенттер белсенділік танытып, тергеу үдерісі, соттағы қорғау тактикасы және болашақ заңгерге қажетті кәсіби қасиеттер туралы көптеген сұрақтар қойды. Сабақ мазмұнды, тартымды әрі танымдық форматта өтті.

Мұндай бинарлық сабақтар студенттердің кәсіби құзыреттілігін арттырып, теория мен тәжірибе арасындағы байланысты нығайтады. Кездесу студенттерге үлкен әсер қалдырып, олардың болашақ мамандығына деген қызығушылығын арттырды.