Жұмысшы мамандықтар жылы аясындағы логистика бойынша шеберлік сабағы

2025 жылғы 19 желтоқсанда «Қостанай жоғары колледжі Қазтұтынуодағы» мекемесінің базасында «Логистика және 1С: тиімді басқару құралдары» тақырыбында практикалық шеберлік сабағы өтті. Іс-шараға «Жастық» жеке мекемесінің оқушылары қатысты.

Іс-шара барысында оқушылар колледждің білім беру бағдарламаларымен және көрсетілетін қызметтерімен танысып, оқудың болашақ перспективалары, сондай-ақ сұранысқа ие мамандықтар бойынша әрі қарай жұмысқа орналасу мүмкіндіктері туралы ақпарат алды.

Шеберлік сабағы Жұмысшы мамандықтар жылы аясында өткізілді, бұл логистикалық инфрақұрылымы қарқынды дамып келе жатқан Қостанай облысы үшін ерекше өзекті. Өңірде ірі жобалар жүзеге асырылуда, оның ішінде «Тобыл» көлік-логистикалық кешенінің құрылысы, сондай-ақ алдағы жылдары ең ірі құрғақ порттарға айналатын «РоТранс» және «ФАЛКОН ЛОГИСТИК» компанияларының дамуы бар. Аталған жобалар логистика саласындағы білікті мамандарға тұрақты сұраныс қалыптастыруда.

Қатысушыларға ерекше назар келесі мамандыққа аударылды:
04130200 – Логистика (салалар бойынша), біліктілігі: 3W04130201 – Операциялық логист,
бұл мамандық бүгінде өңірдің еңбек нарығында ең сұранысқа ие мамандықтардың бірі болып табылады.

Практикалық сабақты колледждің жетекші мамандары — Джантурина Қ.А. және Чекишева У.А. өткізді. Олар интерактивті форматта мамандықтың мазмұнын ашып, логистика саласында 1С бағдарламалық өнімін қолдану мүмкіндіктерін көрсетті, сондай-ақ қатысушылардың сұрақтарына жауап берді.

Осындай кәсіптік бағдар беру іс-шараларын өткізу оқушылардың болашақ мамандықты саналы түрде таңдауына ықпал етеді және Қостанай облысының қарқынды дамып келе жатқан логистикалық саласы үшін жоғары білікті кадрларды даярлауға бағытталған.